قصة_وعبره
![موقع أيام نيوز](/themes/xtra/assets/images/no.jpg)
إدعى_من_قلبك
موقف غريب حصلى النهاردة وانا راكب المواصلات واحد قاعد جنبي و معاه ابنه صغير كده عنده Cancer... ف ببص عليه لاقيته قاعد زعلان كده و شكله كان تعبان و مهموم اوي....ف لاقيت ابوه عمال يهزر معاه و يقوله اضحك و بيحاول يضحكه و هو بيضحك كده ضحكة هم..فجأة لقيته بيقوله و هو تعبان كده ب الحرف بابا هو انا ربنا هياخدني امتي انا تعبت من الحقن اوي انا ف اللحظه دي حسيت ان جسمي اټشل كده بأمانه صدمني..ف باباه قاله لا يا حبيبي انت هتفضل معانا و مع حنان اختك اللي بتحبها...و هي عينه مدمعه كده..ف انا قاعد سامعهم ف بصتله و قولتله انت جميل اوي و كمان أمور ف ضحك كده و قالي بس شعري وقع و مبقتش أمور زي الاول...و هو عنيه مدمعه كده ف جيت امسك ايده حقيقي ايده مش باينه من الزرقان بتاع الحقن...قمت وطيت علي ايده و بوستها ف هو بص لباباه كده و هو فرحان اللي هو مستغرب اول ما بوست ايده ضحكلي كده...بعدها فضلت اهزر معاه وضحكته و انا نازل لاقيته بيقولي ادعيلي اكون حلو و شعري يطول من تاني قولتله مش انا بس اللي هدعيلك انا هخلي الناس كلها تدعيلك علشان تفضل جميل و تبقي معانا..نزلت من العربيه وانا حرفيا مڼهار عياط و ساعتها حسيت ان ربنا فعلا مدينا نعمه كبيييييره اوي و هي الصحه حتي لو صحتك مش كويسه اوي بردو اشكر ربنا لان في ناس بتتمني تعيش بس علشان اهلها هيوحشوهم لما يموتوا
احنا معندناش هموم
احنا ف نعمة نعمة كبيره و مش حاسين بيها
في ناس بتتمني بس تعيش..بتتمني متخدش علاج
ادعو لمازن انه يعيش علشان اخته بتوحشه و هو مسافر علشان علاجه بعيد عن اهله
انا وعدته اني هخلي الناس كلها تدعيله علشان يخف
ادعوا لمرضي السړطان
ربنا يشفيهم ويشفي كل مريض يارب
أللهم آمين يارب العالمين
فضلا شارك المنشور